E tuwhera ana te Tahua Whakanui i te Rā o Waitangi 2025 (te Tahua) tae noa ki te Mane, 07 o Oketopa. 

Atu ki te $300,000 te nui o te pūtea tauwhaiwhai e wātea ana mō ngā kaupapa puta noa i te motu ka whakakotahi i ngā hapori me te whakanui i te waitohutanga o Te Tiriti o Waitangi (Te Tiriti).

Ko Te Manatū Taonga te kaiwhakahaere o te Tahua, otirā e wātea ana te Tahua hei tautoko i ngā rōpū hapori, ngā kaunihera ā-rohe me ngā tāngata whenua hoki ki te whakarite kaupapa e whakawhānui ana i tō tātou mārama ngātahi ki Te Tiriti.

"E hiahia ana mātou kia kotahi mai ngā hapori ki te whakanui i tēnei āhuatanga hira o te tuakiri ā-iwi o Aotearoa," te kī a Joe Fowler, Pou Mataaho o Te Hua i Te Manatū Taonga.

“He whānui ake te Rā o Waitangi i ngā whakanui ka tū ki Waitangi. I kawea hoki Te Tiriti ki ngā tōpito o te motu, ā, kei te hiahia mātou ki te āwhina i ngā hapori o Aotearoa ki te whakanui i te pānga o tēnei tiriti ki te whakatū i te whenua e noho nei tātou i tēnei rā.

"Nā te rauna pūtea i tērā tau i āwhina ki te tautoko i ētahi momo kaupapa whānui, pēnei i te kapa haka, ngā whakaaturanga toi, tae noa ki ngā whetiwara ā-hapori nui.  E rikarika ana mātou ki te kite he aha ngā kaupapa ka whakakotahi i ngā hapori mā te āwhina a te Tahua," hei tā Joe Fowler.

Mō ētahi atu mōhiohio mō te tuku tono, tēnā haere ki te paetukutuku a Te Manatū Taonga.

Commemorating Waitangi Day Fund

Mō ētahi atu mōhiohio mō te hītori o te Rā o Waitangi, haere ki:

Waitangi Day (NZHistory)