Mō tēnei tahua

Ka tohatoha te Tahua Whakanui i te Rā o Waitangi i te moni e $300,000 kia tautoko i ngā takunetanga ka:

• whakanui i te waitohutanga o Te Tiriti o Waitangi (te Tiriti)
• whakapiki i te mōhiotanga me te mātauranga o Te Tiriti o Waitangi/te Tiriti
• whakatenatena i te whānuitanga o ngā hapori ki te whai wāhi atu ki ngā takunetanga mō te Rā o Waitangi.

E tino hīkaka ana mātou ki te tautoko i ngā takunetanga e whakahaeretia ana e te kāwanatanga ā-rohe, e ngā hapori hoki/rānei e tūhono ana ki te tangata whenua, ā, e kimi ana i te whai wāhitanga whānui a te hapori.

Kia kite i ngā tūmomo takunetanga i whiwhi tahua i tērā tau, tirohia kaitono angitu Tahua Whakanui i te Rā o Waitangi 2026.

Commemorating Waitangi Day Fund case studies

Read how the Commemorating Waitangi Day Fund has been used to support events around the country.

He mōhiohio mā ngā kaitono

E tuwhera ana te Tahua i tēnei wā, ka kati ā te Rāhina te 20 o Whiringa-ā-nuku 2025.

He ārahi mō Te Tahua Whakanui i te Rā o Waitangi

Mēnā he pātai āu, e hiahia ana rānei koe ki te āwhina me tō tono, īmēra mai ki [email protected] waea mai rānei i runga i (04) 499 4229.

Mā wai e tono 

Ka māraurau koe mēnā he rōpū whakahaere kāwanatanga ā-rohe, he rōpū, he kiritōpū rānei, e noho ana ki Aotearoa me: 

• te mahi onāianei ki ngā mahi me ngā ratonga ā-hapori
• te āhei kia whakaatu i tō mahi kia whakarato i ngā mahi ā-hapori
• te raukaha kia whakahaere me te tautoko i te takunetanga e marohitia ana
• te herenga kia whakarato i te aromātai o te takunetanga i muri iho i te whakaratonga.

He aha ngā mahi ka tautokohia

Kia angitu me whakatutuki ngā mahi takunetanga i te paearu mārauraru e whai ake nei:  

• ka arotahi te kaupapa o te takunetanga me ngā mahi ki te whakanuinga o te Tiriti o Waitangi me tana waitohutanga
• ka whakapiki te takunetanga i te mōhiotanga me te mātauranga o Te Tiriti o Waitangi
• ka whakanui me te tuari te takunetanga i ngā kōrero Māori ā-rohe me te whakaatu kua whakapāpā ki te iwi/hapū me te whiwhi i tana tautoko
• ka whakatairanga, ka whakatenatena hoki te takunetanga i te whai wāhitanga whānui a te hapori mā te whakatenatena i ētahi atu ahurea ki te tuari i ō rātou wheako, kōrero, tirohanga hoki
• ka whakaatu ngā kaitono he pēhea tā rātou takunetanga e whakatutuki i ngā hiahia o tō rātou hapori, tae atu ki te hunga hauā
• ka tū te takunetanga i te Rā o Waitangi (6 o Pēpuere) e tata ana rānei ki taua rā, i ngā rā hira rānei o te waitohutanga o te Tiriti i roto i tētahi hapori, rohe rānei.

Kāore mātou e tuku tahua ki:

• ngā tāngata takitahi (me tono koe rōpū, kiritōpū, rōpū whakahaere rānei)
• ngā hōtaka, ngā rauemi mātauranga rānei wā waenga, ki te wā roa
• ngā haerenga ki Waitangi, Pēwhairangi rānei
• te hoko waipiro.